O de onte foi un fito histórico para a loita contra a homofobia no ámbito deportivo. O Futbol Club Barcelona, a través da súa Fundación, sumouse por primeira vez á celebración do Día Internacional contra a Homofobia e a Transfobia. que se celebra o vindeiro domingo 17 de maio e fíxoo asinando un compromiso público que posiciona ao Club a prol da diversidade e o respecto á orientación sexual no mundo do deporte e tamén de loita contra a homofobia.
O manifesto supón un decálogo de boas normas para erradicar a LGBTfobia e foi elaborado, a petición do Club, polos membros da Grupo Deportivo Ibérico e Panteres Grogues cuxo presidente, Jacques Schoof, estivo entre os asistentes ao acto de presentación.
A campaña de sensibilización xira arredor do lema "Xoguemos en equipo, celebremos o respecto" e inclúe un vídeo protagonizado por rostros tan coñecidos como os xogadores do primeiro equipo Andrés Iniesta e Dani Alves, Víctor Tomàs, capitán do equipo de balonmán e personalidades públicas como Bernat Soler, Elisenda Roca, Toni Cruanyes, Mag Lari, Manel Fuentes e Sor Lucía Caram.
O encontro, presentado polo propio Manel Fuentes, foi inaugurado polo Conselleiro de Territorio e Sostibilidade Santi Vila quen chanceou sobre se ser homosexual fora o motivo da súa presenza no debate. Tamén estivo presente o fiscal coordinador do Servei d'Odi i Discriminació da Fiscalía Provincial de Barcelona. Miguel Ángel Aguilar de representantes do Club e dos Mossos d'Esquadra. Entre os asistentes puidéronse ver caras coñecidas, como Mag Lari, o presentador Oriol Nolis, Josep Maria Àlvarez de UGT, Jordi Petit ou a exministra da Generalitat Marina Geli.
O FC Barcelona convértese así no primeiro club europeo que apoia explícitamente ao colectivo LGTBI. Os seus directivos comprometéronse a traballar pola inclusión na “Lei contra a violencia, o racismo, a xenofobia e a intolerancia no deporte”, a loita contra a homofobia. Tamén promover a diversidade e garantir a difusión de mensaxes positivas sobre a tolerancia, o respecto e a dignidade de calquera opción sexual ou de xénero.
Desde Gayles.tv queremos felicitar ao FC Barcelona, que volveu demostrar ser "moito máis que un club" e desexarlle o maior éxito desta tempada.
Noticias Gayles.tv
Televisión en liña
[youtube https://www.youtube.com/watch?v=Jx-sh674sGo]
