NOVAS.- O pasado 5 de outubro Luisa Revilla foi elixida concelleira do barrio da Esperanza de Trujillo. É a primeira muller transexual que ocupa un cargo de tanta responsabilidade nunha localidade peruana.
Cabe destacar a transcendencia desta información nun país como o Perú onde a situación social do colectivo LGTBI deixou moito que desexar ata hoxe e foi fonte de frecuentes conflitos. Pero parece que pouco a pouco se van superando os obstáculos e se avanza nos dereitos das persoas LGTBI.
Perú non recoñece legalmente a unión de persoas do mesmo sexo, a pesar de que unha enquisa realizada en abril deste ano revelou que o 33% da poboación estaría a favor da súa legalización. De feito, a saída do armario de Carlos Bruce, lexislador político e principal impulsor da chamada lei da Unión Civil para a igualdade, abriu un amplo debate na sociedade peruana. O resultado desta loita é a inclusión dos homosexuais nun recente Plan Nacional de Dereitos Humanos.
Pequenos pasos para a integración do colectivo LGTBI nun país cuxa forte tradición católica foi un atranco que dificultou e atrasou a comparación do Perú con outros países latinoamericanos en materia de lexislación LGTBI.
Noticias Gayles.tv
Televisión en liña
