ÚLTIMA NOTICIA.- O pleno do Concello de Madrid de hoxe mércores 22 de xullo aprobou que a actual Praza Vázquez de Mella do barrio madrileño de Chueca, pasará a chamarse Praza de Pedro Zerolo en homenaxe ao político socialista e activista LGBT recentemente falecido. Tamén se decidiu construír un monumento a todas as persoas que foron vítimas de discriminación e odio pola súa orientación sexual.
A votación, motivada por unha proposta do grupo municipal socialista, contou coa votos favorables de PSOE, Ahora Madrid e Ciudadanos e votos en contra do PP, quen a través do seu concelleiro Pedro Corral, argumentou rexeitar a proposta polos problemas de xestión e o gasto que os cambios na nomenclatura do plano de rúas de Madrid xeran aos cidadáns.
Pola súa banda, a compañeira de partido de Zerolo e actual concelleira do PSOE, Purificación Causapie, fixo fincapé na "obriga moral e histórica de deixar memoria na cidade da loita pola liberdade do movemento LGBT" e unha forma de facelo é honrar a figura da persoa que liderou este movemento e foi "o mellor dos seus representantes."
Na mesma liña manifestáronse representantes de Ciudadanos e Ahora Madrid, cuxo concelleiro Celia Mayer, lembrou que este cambio está avalado pola petición asinada de 80.000 cidadáns que o apoiaron.
A decisión foi comunicada a través da conta oficial de Twitter do Concello de Madrid ás 9:30 da mañá co texto: “Apróbase o cambio de denominación da actual Praza de Vázquez de Mella, no Distrito Central de Madrid. Madrid, pola Praza de Pedro Zerolo”.
Un gran agasallo de aniversario para Pedro e un motivo de satisfacción para os que traballaron para que este recoñecemento fose unha realidade.
Última hora Gayles.tv
Televisión en liña
