O Coro de Homes Gay de Madrid (CHGM), súmase á loita pola integración e aceptación do colectivo LGTBI en España e no mundo, a través de unha serie documental titulada "The Choir Speaks". Tras un ano de formación, o CHGM destaca unha das liñas de traballo que veñen desenvolvendo dende o seu nacemento como asociación, a visibilidade da homosexualidade dende outro punto de vista e afastada de vellos tópicos.
“O coro fala” narra en pezas breves de aproximadamente 3 minutos, algunhas experiencias vividas polos membros do coro ao longo da súa vida. A través das súas voces afondamos en cuestións como o recoñecemento da propia homosexualidade, a integración, a aceptación social ou simplemente as vivencias cotiás de ser homosexual no ámbito laboral ou familiar.
Infancia, amores, amigos, anacos de vida que se desenvolven ante a cámara coa cara aberta, con só fondo branco. Unha realización sinxela e elegante que pon en primeiro plano o que realmente importa, o que nos están a dicir.
A serie documental estará dispoñible a través da páxina oficial de Facebook do CHGM e da súa canle de YouTube, onde cada mes se publicará unha nova historia. O primeiro capítulo titúlase "Homosexualidade" e nel, tres membros do coro cóntannos como vían a homosexualidade cando eran adolescentes. Podes ver este primeiro vídeo seguindo a ligazón ao final do artigo.
Desexámoslles toda a sorte do mundo aos membros do coro e agardo que se faga realidade o desexo que pecha esta primeira entrega: Non se trata de loitar para que se demostre a razón, senón de loitar por ser feliz.
Noticias Gayles.tv
Televisión en liña
[youtube http://www.youtube.com/watch?v=EmuazJFecl4]
