A sección xuvenil da Federación Estatal de Lesbianas, Gais, Transexuales e Bisexuais (FELGTB), pediu un "bico" a nivel estatal o 30 de xaneiro con motivo do “Día Mundial da Paz e a Non Violencia”. O lema da convocatoria é "Non máis transfobia, bifobia, lesbofobia, homofobia".
Ata a data rexistráronse infinidade de adhesións, tanto a título persoal como de asociacións, partidos políticos, entidades e outros colectivos, podedes seguir a listaxe completa e actualizada no enlace http://www.felgtb.org/temas/besoscontralaviolencia/adhesiones
Con este acto, a FELGTB quere homenaxear a todas aquelas persoas, homes e mulleres, que afirman os seus sentimentos e opcións fronte á reprobación, a opresión e o silencio, sexan homosexuais ou non. Ao mesmo tempo, denuncian o aumento dos actos homófobos nos espazos públicos, coa aquiescencia das forzas da orde pública que deben defender os dereitos de toda a cidadanía. Golpes a parellas homosexuais e bisexuais, a denegación de acceso a determinados locais a persoas por ser transexuales, o aumento dos delitos de odio, a impunidade do acoso escolar ou a vulneración de dereitos como o acceso á maternidade ou á atención sanitaria integral.
Por todos estes motivos, con este acto queremos esixirlle ao goberno que preside Mariano Rajoy maior implicación nas políticas de inclusión social, así como unha adecuada formación tanto das forzas de seguridade do Estado como dos órganos xudiciais para atender adecuadamente ás persoas LGTBI agredidas. E, por suposto, a urxente redacción dunha lei para os dereitos das persoas LGTBI e contra a discriminación por razón de orientación sexual e identidade de xénero como a que goza Cataluña, e unha lei integral de transexualidade como as que xa existen en diversas comunidades autónomas.
Un bico é un xesto de amor universal e ese xesto, cando se produce entre persoas do mesmo sexo, segue a ser motivo de ataques, burlas, insultos e humillacións no Estado español. Hai que erradicar este feito e só o conseguiremos coa visibilidade masiva de todo o colectivo.
Os organizadores agardan a asistencia de milleiros de persoas e piden a solidariedade de todos aqueles que, aínda que non forman parte do colectivo LGTBI, cren na igualdade de dereitos e na diversidade.
O hashtag para seguir o evento e a chamada é #BicosContraViolencia e tamén se publicou un vídeo promocional.
Noticias Gayles.tv
Televisión en liña
[youtube http://www.youtube.com/watch?v=0Wben7SRrYk&w=420&h=315]
