Legegile britainiar batek GIB positiboa dela azaldu du Parlamentuan
GAYLES.TV.- Gaur, abenduak 1, eguna HIESaren aurkako Mundu Eguna, ausardia eta konpromisozko ekintza baten berri jasotzen dugu: bere burua GIBaren eramaile deklaratzen duen parlamentari britainiarrak emandako hitzaldia.
Lloyd Russell-Moyle, Laborista alderdiko kideak, aitorpen garrantzitsu bat egin zuen joan den ostegunean Britainia Handiko Parlamentuan GIB positiboa dela agerian utzi zuenean. Bera izan liteke aitorpen hau egiten duen lehen alderdiko politikaria. "Gaur nire urteurrena da: duela 10 urte diagnostikatu zidaten", esan zuen, osasuntsu dagoela eta ezin dituela bere bikotekideak kutsatu argitu aurretik.
Emozioz betetako hitzaldia, ez zen plataformako politikari baten berriketa, bihotza ireki eta albistea jasotzean sentitu zuen beldurraz, ziurgabetasunaz, hondamendiaz hitz egin zuen gizon baten hitzak baizik. Baina baita itxaropenaz, egia ezagutzeak eta hari aurre egiteak duen garrantziaz, probak egiteko beharraz, laguntza eskatzeaz, birusaren aurrean inor bakarrik ez egoteaz ere.
"Izan nahi duguna izan gaitezke", ziurtatu du, euren egoeraren aurkako borrokan jarraitzera animatu bitartean. Mintzaldia balizko kutsaduraren inguruan ezjakintasunean bizi nahi dutenei zuzendutako hitz batzuekin amaitu zen: "Hobe da jakinda bizitzea beldurrez hiltzea baino". Lloyden aitorpenak gainontzeko parlamentarien txalo luze eta biziak eragin zituen.
Eskerrik asko gaurko egunari zentzua ematen dioten horrelako testigantzei, ez baita ezer ospatzea, borrokatzea, ikertzea, amore ez ematea eta bizitza eta ausardiaren adibidea ematea baizik. ESKERRIK ASKO!!!
Fuente: bbc.com, vanaguardia.com
Argazkia: Yui Mok
GAYLES.TV
Lineako telebista
Jarrai gaitzazu: Facebook Twitter Instagram
